السلام عليكم ورحمة الله وبركاته
كل سنة وانتم بخير يااخواتي
كل واحدة فينا اوقات بيبقي عندها بتي فور او بسكويت او كيك وبتستحرم انها ترميه ونرميه ليه مادام لسة صالح تعالوا نعمل كدة مع البواقي وشوفوا حيطلع شكله ايه وكمان الطعم والريحة تحفة يللا بينا علي المطبخ
بسم الله الرحمن الرحيم
شوفوا الاول شكله يشجع وللا لا
اضغطي هنا لمشاهدة الصورة بحجمها الأصلي
حنجيب بواكي الكيك او البتي فور ونكسرها خشن يعني مش بودرة ونحطها في بولة كبيرة
اضغطي هنا لمشاهدة الصورة بحجمها الأصلي
وعدين نسيح شيكولاتة خام ونحطها عليه بكمية معقولة مش كتير ده علي حسب الكيك اللي عندك ونقشر تفاحة او 2 ونبشرها في المبشرة من الناحية الخشنة ونضيفها ومش مهم التفاح الاول او الشيكولاتة وممكن نضيف شوية مكسرات مطحونة
اضغطي هنا لمشاهدة الصورة بحجمها الأصلي
اضغطي هنا لمشاهدة الصورة بحجمها الأصلي
نعجنهم مع بعض ونشكل كور باحجام متساوية ونحطها في صينية ونسيبها تستريح وماتقلقيش حتكور كور منكوشة وبتلزق في الايد لكن بعد لما تهدا نكور من جديد وبطريقة متساوية
نجيب طبق فيه فسدق مطحون وطبق فيه فارماسيه وندحرج الكور واسيبكم مع الصور
اضغطي هنا لمشاهدة الصورة بحجمها الأصلي
اضغطي هنا لمشاهدة الصورة بحجمها الأصلي
وده الشكل النهائي مافيش اسهل من كده ولااطعم وكل اللي جربوه شكروني عليه جربوا واتكلوا علي الله ومش حتندموا وعلي فكرة محلات الحلويات بتعملها ببواقي الحلويات
اضغطي هنا لمشاهدة الصورة بحجمها الأصلي
اتفضلوا معايا بس اللي حتتفضل تقوللي علشان اعمل حسابها في الشاي
مستنية رايكم
سلام عليكم